مو كل من قال أحبك يحبك
هو كل مسلم في زمنـــا يصلي
في هالزمن ياصاحبي عيش دنيـــاك
لا تحاول تفهم اللي حواليك
فكر بشخص طول هالعمر يفداك
واترك بقايا حكي ما اظن يعنيك
تكشف لك الإيـــام من كان يهواك
ومن هو يمثل دور إنسان يغليك
ناس نسوك وناس ناسين نسياك
وناس تناسوا ناس ناسين ناسيك
وناس روؤس أموالهم بس طرياك
وناس يشوفون الفقر في طواريك
وناس ليــــا شافوا الزعل في محياك
تسابقوا من فيهم اللي يراضيك
وناس لو انك تنحرق فيك بلواك
خلوك وحدك تنحرق في بلاويك
صعبه تلاقي فالبشر بعد فرقاك
من يذكرك بالخير لا حل طاريك
ماكل من حاكاك بالصدق حاكاك
حتى المنافق لو تركته يحاكيك
وما كل من خاواك بالطيب خاواك
حتى النذل لوجات فرصه يخاويك
خل النباهه عند هالناس مبداك
والصد عنهم خله أسمى مباديك
أعطاك ربي من تفاصيل ما أعطاك
عقل وتحكم من من الناس شاريك
ماتوقف الدنيا على شخص جافاك
حاول تطنش وابتعد عن مجافيك
